من برجك.. اعرف رحلتك الجايه هتكون فين؟!

السفر احسن مغامرة ممكن تعيشها حتى لو لوحدك، لكن إختيار المكان الأنسب للسفر بيختلف من شخص لشخص، لو حابب تعرف رحلتك الجايه  فين اعرفها من برجك!

 برعاية منتجع اولمبيا راس سدر- اتبسط

برج العذراء

برج جرئ بطبعه، طموح لأقصى درجة، يحب دايماً يحلل الأمور ويعرف سبب كل حاجة!
يحب يكتشف كل المجهول بالنسباله، يُفضل يلف العالم كله من فوق لكن لو هياخد قرار ينزل لبلد هتكون الأكثر ثقافة ومعرفة وتقدم ليكتشف بنفسه سر نجاحهم.

من البلاد اللى بيفضلها العذراء: دبى- المغرب- الأمارات.

برج الدلو

يحب مزيج الدوشة والخصوصيه، لأنه برج رومانسى وعقلانى فى نفس الوقت.
بيحب السفر المفاجئ، نادر لما يخطط لسفره وعادة يستخدم خريطة او دليل للسفر، بيحب الأماكن الطبيعية الهاديه والآثار القديمة الغامضة.

من الأماكن اللى يحب يسافرها الدلو: نيويورك- آيسلاندا.

برج الحوت

لأنه برج مائى دايماً بيختار الأماكن الطبيعية، الجو النقى والمناظر الغريبة!
برج خيالى لأبعد درجة، دايما بيختار الأماكن اللى يحس فيها بسلام داخلى بعيد عن الضغوطات النفسية، شخصيته منظمة جداً، يحب يعيش مع شعوب اليابان وده لأن الشعب اليبانى منظم جداً.

يفضل برج الحوت السفرلمكان زى: جزرالكناري لسحرها.

برج الجدى

دايماً يبحث اصحاب برج الجدى على اكتشاف الأماكن الآمنة، بيبعد عن المفاجأة والمغامرة، بيفضل يكون مخطط  لكل شئ فى رحلته قبل السفر، يحب السفر للمناطق التاريخية واللى بتتميز بالفنون والمعارض زى: برلين - براغ التشيكية.

برج العقرب

دايماً تشوفه هادئ وعقلانى، لكن مع الوقت تكتشف حبه للمغامرة والسفر وتجربة الأشياء الجديدة والمجنونة، بيحب الأماكن البسيطة ومن اكثر الأماكن اللى ممكن يسافر لها برج العقرب: فينيسيا ايطاليا – بوردو الفرنسية.

برج الميزان

مبيفضلش مكان معين يسافر ليه، لأن دايماً بيهتم بالأشخاص اللى هتسافر معاه اكثر من مكان السفر نفسه، بيحب الإسترخاء والهدوء، بيستمتع جداً بالتجارب الجديدة.

من الأماكن المناسبة ليهم: اليونان- شواطئ لاس بالماس.

برج الأسد

بيفضل الأماكن الفاخرة، وإنه يتعرف على ثقافات مختلفة، بيختار دايماً الفنادق والمطاعم الفاخرة والأثرية، المكان المفضل ليه هو اللى يقدر يفصله عن العالم بجماله.

زى: باريس، المغرب، كوبا.

برج السرطان

برج الخيال والرومانسية، بيحب عائلته واصدقائه جداً، بيفضل الأماكن الهاديه لكن مع الأشخاص المقربين ليه، دائماً بيختار الأماكن الدافية اللى تشعره بالأمان والإستقرار.

زى: اسبانيا، باليرمو الإيطالية.

برج الجوزاء

برج اجتماعى جداً، يحب الحياة الإجتماعية والتعرف على الناس، فى سفره دايماً بيحب الأماكن المزدحمة والإختلاط بالناس والثقافات المختلفة، يحب اماكن السهر والحفلات.

واكثر الأماكن اللى ممكن يحب يسافر ليها برج الجوزاء: لندن، شرم الشيخ (مصر).

برج الثور

برج مدلل جداً، من الأبراج اللى بتهتم بصحتها جداً وبالأشياء المفيده والصحيه، بيفضلوا الأماكن الراقية، المنتجعات الصحية والطعام الصحى.

من افضل اماكن للسفر: كاليفورنيا، جزر المالديف.

برج الحمل

برج متحرر، حابب للمغامرة والسفر، يكره الأشياء اللى ممكن تقيد حريته او تمنعه من شئ، بيحاول يستفيد من اى رحلة بأعلى قدر من المتعة والمغامرة، فبرج الحمل معروف ببرج الأدرينالين.

ومن اماكن السفر لبرج الحمل: تونس، افريقيا.

برج القوس

لو هنتكلم عن برج القوس فهو يحب الخروجات والسفر والرحلات، برج عاشق للسفر والمغامرة.
يحب يغامر فى سفره، ويجرب حاجات جديدة يعنى لو هيفكر يسافر فين هيختار مكان جديد بالنسبة له او يختار يلف العالم كله.

دلوقتى دورك.. قولنا من برجك رحلتك الجايه هتبقى فين؟؟